بەشداربوونی ئافرەتان و گەنجان لە ناوەندەکانی دروستکردنی بڕیاردان لە هەرێمی کوردستان: سندیکا و یەکێتییە پیشەیەکان وەک نموونە

پوختە

ئەم پەرتوکە توێژینەوەیەکی شیکاری و مەیدانییە دەربارەی ڕادەی بەشداربوونی ئافرەتان و گەنجان لە ناوەندەکانی دروستکردنی بڕیار لە هەرێمی کوردستان، بە تایبەتی لە سەندیکا و یەکێتییە پیشەییەکان. توێژینەوەکە بە میتۆدی تێکەڵ (چەندایەتی و چۆنایەتی) ئەنجامدراوە و پشت بە ڕاپرسی، چاوپێکەوتن، کۆکردنەوەی ئامار و شیکردنەوەی بەڵگەنامەکان بەستووە، بۆ ئەوەی ڕاستیی دۆخی بەشداربوونی ژنان و گەنجان و ئاستەنگەکانیان لە پڕۆسەی بڕیاردان بخاتەڕوو. ئەنجامەکانی توێژینەوەکە نیشان دەدەن کە ڕێژەی بەشداربوونی ئافرەتان و گەنجان، بە تایبەتی لە پۆستە سەرکردایەتی و ناوەندەکانی بڕیاردان، هێشتا لە ئاستێکی نزم دایە. هەروەها، ژمارەیەک لە هۆکارە یاسایی، کۆمەڵایەتی، ڕێکخراوەیی و کولتووری وەک ئاستەنگی سەرەکی ناسێنراون. لە کۆتایی توێژینەوەکەدا، ژمارەیەک ڕاسپاردە و پێشنیاری کردەیی پێشکەش کراون بۆ بەهێزکردنی بەشداری ئافرەتان و گەنجان، چاکسازی یاسایی، پەرەپێدانی دیموکراسی ناوخۆیی سەندیکاکان و هەڵخستنی ئاستی نوێنەرایەتی لە ناوەندەکانی بڕیاردان. ئەم لێکۆلینەوەیە سەرچاوەیەکی گرنگە بۆ توێژەران، بڕیاردەران، دامەزراوە مەدەنییەکان و هەموو ئەوانەی بە بابەتی یەکسانی ڕەگەزی، بەشداربوونی گەنجان و چاکسازی دامەزراوە دیموکراسییەکان لە هەرێمی کوردستان گرنگی دەدەن.